తలచి తలచి చూస్తే....

నిన్న రాత్రి ప్రపంచ కౌగిలిలో నిద్రిస్తున్నప్పుడు ఒక్కసారిగా మెళుకువ వచ్చింది సఖి
ఎప్పుడో ఎక్కడో వీడిపోయిన నిన్ను అనుభూతి వెచ్చదనంగా దాచుకున్న డైరీని తెరిచాను

ఆశ ఆశయం ఆనందంతో రాసుకున్న అక్షరాలు రెప రెప లాడుతున్నాయి అని అనుకున్న
ఎమైందో ఎమోగాని తడుముతున్న ప్రతి అక్షరం నాకు ఆవేదనను మిగిల్చింది

ఎన్నో కలల కన్నీరై ఎన్నో ప్రేమల స్మృతి గీతలై
తెల్ల కాగితంలో ఇంకు చుక్కలై ఒక్కోక్కటిగా ఇంకిపోతున్నాయి

కలకాలం నిలివలేక కలసి నాతో రాలేక
కదలిపోయిన నీలా ప్రతి అక్షరం నా నుండి దూరం అవుతున్నాయి

అయిందెదో అయింది జరిగేదేదో జరిగింది అని అనుకుంటే
నీ కోసం వేచి వుండే నా నిత్య నిరీక్షణ వృధానే మరి

ఆవేదన మిగిల్చిన అక్షరాలని నిత్య నూతనంగా మళ్లి వెలిగిస్తాను
ఇంకు చుక్కలై ఇంకిపోతున్న ఆణిముత్యాలని నా రుధిరంతో రుద్ది మరి చక్కదిద్దుకుంటాను
దూరం అయిన ప్రతి అక్షరాన్ని ముద్దాడి సైతం నా హక్కున చేర్చుకుంటాను

వెళ్లిపోయిన నిన్నటి దినాన్ని మరచిపోయి వస్తావని రేపటి నాడు ''గా'' రాసుకోవడనికి

ఈ కాగితల్ని మళ్లి మళ్లి సవరిస్తూవుంటాను

ఎప్పుడో ఎక్కడో వీడిపోయిన నిన్ను ''ని'' ఈ కాగితల్లో రోజు వెతుకుతు వుంటాను

ఈనాడు ఈ కబుర్లలో నా కబురు

9 - 9 - 2010 న ఈనాడు పత్రికలో ఈ టిప్

వస్తావు కదూ.......

నీతో కలసి వేసిన అడుగులు నా మదిలో ఇంకా శాశ్వంతగానే ఉన్నాయి

నీతో ఊహిస్తూ కన్న కలలన్ని చెదరని జ్ఞాపకాలు నను వెంటాడుతునే ఉన్నాయి

నీకు తెలుస........

రోదిస్తూ నేను కూర్చున్న రాయిసైతం నన్ను చూసి జాలిపడుతుంది

మరి నీవు మాత్రం మౌనం చెందిన తపస్విలా చెంతకు రావుకదా

ఇలా ఈ మౌనంలోని ఒంటరితనంలో వేదనతో నేనేమవుతానో నాకే తెలియదు

కాని నీ జాడ తెసిసేదాక ఈ నిరీక్షణ ఆగిపోదు నిను చేరేదాక నా ఆరధనా అలసిపోదు

ఎన్ని కష్టాలయినా ఎదురిస్తాను కన్నీళ్లతోటే నా పయనం అంటాను

ఆనందపు అంచులదాక వెళ్లి అందులోని తృప్తిని అస్వాదిస్తాను

వీడిపోని ఆశతో ఆగిపోని శ్వాసతో నీ ఎదురుచూపులో పరితపిస్తూ వుంటాను

ఆగ్రహించి నన్ను శాపించక కరుణించి నను చేరుకో నీ దానిని చేసుకో

సెలవంటూ వెళ్లిపోయి ఎడబాటు అయిన మన ప్రేమలో మళ్లి సేదతీరాలని

నువ్వు రావాలని............వస్తావని...........నీకై ఎదురుచూస్తానని............